Ikigo cy’ubucuruzi gitanga serivisi zo kugena agaciro k’imitungo, gucunga imitungo itimukanwa no guhuza abaguzi n’abagurisha inzu n’ibibanza ku rubuga rwa www.mdgrou.com , Multi Design Group ltd cyiyemeje gutera inkunga irushanwa rya Miss Rwanda 2020, yemera kuzahemba igisonga cya mbere n’uzegukana ikamba rya Miss Rwanda 2020 nyirizina.

Umukozi muri MD Group Ltd, Kwizera Fidèle yavuze ko impamvu yabateye kwinjira muri Miss Rwanda kwari ukugira ngo nka kompanyi batange umusanzu wabo mu gufasha umwana w’umukobwa gutera imbere, no kwigirira icyizere.

Ati “Abantu barabizi ko ari gahunda ya guverinoma yo kugira ngo abari n’abategarugori bitinyuke. Twasanze natwe tutasigara inyuma muri urwo rugamba leta iri kurwana, twumva natwe twayifasha, tugashyiraho umusanzu wacu, tugashyiraho itafari kugira ngo kuzamuka k’umwana w’umukobwa no kwitinyuka natwe tubigiremo uruhare”.

Umukobwa uzaba igisonga cya mbere cya Miss Rwanda, MD Group yamugeneye igihembo cy’amafaranga 1,200 000 mu gihe uzegukana ikamba rya Miss we azahabwa itike yo kujya kuruhukira i Dubai.

MD Group isanzwe ari ubukombe muri serivisi z’igenagaciro, gucunga imitungo itimukanwa no guhuza abagura, abagurisha n’ abakodesha inzu n’ibibanza.

Abanyarwanda benshi bakunze guhura n’imbogamizi yo kubona uwabaha serivisi z’igenagaciro ku mitungo itimukanwa mu gihe gito, nk’igihe baryifuza ku mpamvu za banki, kwishyura imisoro cyangwa se gufata ubwishingizi.

Kwizera Fidèle yavuze ko muri MD Group igenagaciro bashobora kuritanga mu gihe kitageze ku masaha 24 ku bari muri Kigali naho mu ntara ho bakaribona munsi y’amasaha 48.

Yagize ati “Umwihariko wacu twe dufite intego yo gutanga serivisi yihuse ku giciro cyiza. Niba umuntu asabye igenagaciro atuye i Kigali, twe tumuha amasaha 24, nk’umuntu w’i Rusizi cyangwa no mu zindi ntara zitandukanye amasaha ntarengwa ni 48 tuba tumuhaye igenagaciro ry’umutungo yakoresheje”

Multi Design Group ltd kandi yashyize igorora abafite imitungo itimukanwa nk’inzu zo guturamo, izo gukodesha ndetse n’inzu z’ubucuruzi kuko bazigukurikiranira umunsi ku munsi, bakagushakira abakiliya ndetse no kwishyura imisoro itandukanye mu gihe wowe utahibereye, n’izindi servisi nyinshi zigendanye no gucunga imitungo itimukanwa.

Umuyobozi ushinzwe ubucuruzi muri MD Group ltd, Uwimana Jeaninne yavuze ko ibi bakora bigamije gufasha abantu badafite umwanya uhagije wo gukurikirana imitungo yabo barimo n’abari hanze y’u Rwanda.

Ati “Cyane cyane nk’abantu baba hanze hari igihe aza akagura umutungo kubera ko atuye hariya bikagorana kuba yawukurikirana adahari, agahitamo kuba yawushyira mu maboko y’abafite ubumenyi n’ubushobozi mu icungamutungo nk’ikigo kibizobereyemo, aho kugira ngo awusige ukomeze kwangirika cyangwa awusigire abatazobereye gucunga imitungo itimukanwa.”

Ibi bikorwa byose MD Group ibikora mu bice bitandukanye by’igihugu kuko ifite amashami mu turere dutandukanye tw’igihugu turimo Rusizi, Karongi, Rubavu, Musanze, Muhanga, Kayonza, Huye, Nyagatare no mu mujyi wa Kigali.

MD group imaze gusanga abantu benshi bakunze kuyigana, yashyizeho urubuga rwa internet rwitwa www.mdgrou.com aho umuntu ashobora kugura, kugurisha cyangwa se gukodesha umutungo we utimukanwa nk’ inzu n’ibibanza.

Aha umuntu wese ashobora gushyira ifoto y’inzu cyangwa ikibanza yifuza kugurisha ku rubuga akabasha kubona umuguzi mu gihe gito bitamufashe umwanya cyangwa ingendo nyishi kuko uru rubuga rusurwa n’abantu benshi batandukanye yaba abo mu Rewanda hose ndetse n’abo hanze y’u Rwanda baba bashaka inzu n’ibibanza byo kugura ku giciro kiza.

Uru rubuga ni amahirwe ku basanzwe banakora ubukomisiyoneri mu bice baherereyemo cyangwa bakoreramo, kuko ubyifuza ashobora gushyiraho amafoto y’inzu cyangwa ikibanza ari kugurisha abakiliya bakabibona byoroshye kandi byose akabikora ku buntu.

Uwimana Jeannine yasoje yibutsa abaturarwanda bose ko itariki ntarengwa yo kwishyura umusoro ku mutungo utimukanwa ari tariki 29/02/2020 nkuko byatangajwe na Rwanda Revenue Authority bityo akaba ashishikariza abaturarwanda bose kugana MD Group ikabaha serivisi y’igenagaciro bazifashisha mu kumenya uko umutungo wabo uhagaze igihe bagiye kwishyura uyu musoro.